(បាត់ដំបង )ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹមពុទ្ធីឡា ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ទោ ភួង ចន្ទ័តារា ស្នងការរង ជំនួយការដឹកនាំការិយាល័យនគរបាលព្រហ្មទណ្ឌកម្រិតស្រាល និង មានការសម្របសម្រួលទៅលេីនីតិវិធី ពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ២០ ខែ វិច្ឆិកា ឆ្នាំ ២០២២ លោក វរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី លួចមានស្ថានទម្ងន់ទោស ( ឆក់យកកាបូប និង ទូរស័ព្ទដៃ ) ចំនួន ០៤ ករណី និងបានធ្វេីការនាំខ្លួនជនសង្ស័យ ចំនួន ០៦ នាក់មកកាន់ស្នងការដ្ឋាន ដកហូតបាន ម៉ូតូ ០២ គ្រឿង និង ទូរស័ព្ទដៃ ០១ គ្រឿង ។
1️⃣ ឈ្មោះ ខៀវ យ៉ា ភេទប្រុស អាយុ ៣៦ ឆ្នាំ មានទីលំនៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង ។
2️⃣ ឈ្មោះ ប៊ិន ស៊ីណា ហៅ ឈុយ ភេទប្រុស អាយុ ២៦ ឆ្នាំ មានទីលំនៅភូមិព្រែកឆ្តោរ ឃុំពាមឯក ស្រុកឯកភ្នំ ខេត្តបាត់ដំបង ។
3️⃣ ឈ្មោះ ឡុង លាវ ហៅ តក់ ភេទប្រុស អាយុ ២០ ឆ្នាំ មានទីលំនៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង ។
4️⃣ ឈ្មោះ សុខ វីរៈ ហៅ ប៉ាវ ភេទប្រុស អាយុ ២៥ ឆ្នាំ មានទីលំនៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង ។
5️⃣ ឈ្មោះ ធឿន ថន ភេទប្រុស អាយុ ២៥ ឆ្នាំ មានទីលំនៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង។
6️⃣ ឈ្មោះ ភឿន ផល្លី ហៅ ប៊ឹម ភេទប្រុស អាយុ ២៣ ឆ្នាំ មានទីលំនៅភូមិ តាកុយ សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
តាមចម្លេីយសារភាពរបស់ជនសង្ស័យ ឈ្មោះ ខៀវ យ៉ា និង ឈ្មោះ ប៊ិន ស៊ីណា ហៅ ឈុយ បានឆ្លេីយសារភាពថា ៖ កាលពីថ្ងៃទី ១៧ ខែ វិច្ឆិកា ឆ្នាំ ២០២២ វេលាម៉ោង ១៣:៤០ នាទី នៅចំណុចភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ខ្លួនបានធ្វេីសកម្មភាព ជិះម៉ូតូ ០១ គ្រឿង ម៉ាក ហុងដា ឌ្រីម សេ ១២៥ ពណ៌ ខ្មៅ ស៊េរីឆ្នាំ ២០២០ ទៅឆក់យកកាបូប ដែលជារបស់ជនរងគ្រោះ ឈ្មោះ ថ្លាង ស៊ីណាន ភេទស្រី អាយុ ៣៣ឆ្នាំ ដែលនៅក្នុងកាបូបនោះមាន៖
- ទូរស័ព្ទដៃ ០១ គ្រឿង ម៉ាក Iphone 7 Plus ពណ៌ ផ្កាឈូក
- សោរតេឡេម៉ូតូ PCX ០១ គ្រឿង ។
ចំពោះជនសង្ស័យ ឈ្មោះ ឡុង លាវ ហៅ តក់ បានឆ្លេីយសារភាពថា ៖ កាលពីថ្ងៃទី ២៨ ខែ កញ្ញា ឆ្នាំ ២០២២ វេលាម៉ោងប្រហែល ០៧:៣០ នាទី នៅចំណុចមុខផ្សារព្រែកតាច្រែង ស្ថិតនៅក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង ខ្លួនបានធ្វេីសកម្មភាព ជិះម៉ូតូ ០១ គ្រឿង ម៉ាកហុងដា ឌ្រីម សេ ១២៥ ពណ៌ ខ្មៅ ស៊េរីឆ្នាំ ២០១៩ គ្មានស្លាកលេខ ទៅឆក់យកទូរស័ព្ទដៃ ម៉ាក OPPO ពណ៌ ខ្មៅ របស់ជនរងគ្រោះ ០១ នាក់ មិនស្គាល់ឈ្មោះនិងទីលំនៅ ភេទស្រី អាយុ ប្រហែល ៥០ ឆ្នាំ ហេីយជិះគេចខ្លួនបាត់ ។
ចំណែកជនសង្ស័យ ឈ្មោះ សុខ វីរៈ ហៅ ប៉ាវ ឈ្មោះ ធឿន ថន ឈ្មោះ ភឿន ផល្លី ហៅ ប៊ឹម បានឆ្លេីយថា ៖ កាលពីថ្ងៃទី ៣០ ខែ តុលា ឆ្នាំ ២០២២ វេលាម៉ោង ប្រហែល ០១:២០ នាទី រំលងអាធ្រាត្រ ឈ្មោះ ធឿន ថន បានជិះម៉ូតូ ០១ គ្រឿង ម៉ាក HONDA CB 400 CC ដែលជារបស់ឈ្មោះ ភឿន ផល្លី ហៅ ប៊ឹម ឌុប ឈ្មោះ សុខ វីរៈ ហៅ ប៉ាវ ធ្វេីសកម្មភាពឆក់យកកាបូប របស់ជនរងគ្រោះ ឈ្មោះ ខារ៉ូឡាន ( CAROLANN ) ភេទស្រី អាយុ ៣៣ឆ្នាំ ជនជាតិ កាណាដា មុខរបរ ជាគ្រូបង្រៀនភាសាបរទេស នៅសាលាអន្តរជាតិ ឌូវី ដែលបច្ចុប្បន្នស្នាក់នៅផ្ទះជួល ភូមិរតនៈ សង្កាត់រតនៈ ក្រុងបាត់ដំបង ខេត្តបាត់ដំបង ដែលនៅក្នុងកាបូបនោះមាន ៖
- ទូរស័ព្ទដៃ ម៉ាក SAMSUNG GALAXY A22 ពណ៌ ផ្ទៃមេឃ ០១ គ្រឿង
- កាតធនាគារ ABA ០១ សន្លឹក
- ប្រាក់ខ្មែរ ចំនួន ៨០,០០០ រៀល ( ប្រាំបីម៉ឺនរៀល )
📍 វត្ថុតាងដកហូតរួមមាន ៖
- ម៉ូតូ ០១ គ្រឿង ម៉ាក HONDA CLICK ពណ៌ ស ក្រហម ស៊េរីឆ្នាំ ២០២១ ពាក់ស្លាកលេខ បាត់ដំបង 1AM-7778
- ម៉ូតូ ០១គ្រឿង ម៉ាក HONDA CB 400 CC ពណ៌ ខ្មៅ ពាក់ស្លាកលេខ ភ្នំពេញ 1HV-7702
- ទូរស័ព្ទដៃ ម៉ាក Iphone 7 Plus ០១ គ្រឿង
👉 ចំណែកម៉ូតូ ០១ គ្រឿង ម៉ាក HONDA CLICK ខាងលេី គឺ កាលពីថ្ងៃទី ១៣ ខែ វិច្ឆិកា ឆ្នាំ ២០២២ វេលាម៉ោង ប្រហែល ១៩:៤០ នាទី នៅចំណុចភូមិបឹងរាំង សង្កាត់អូរម៉ាល់ ក្រុងបាត់ដំបង ខេត្តបាត់ដំបង ជនសង្ស័យ មិនស្គាល់អត្តសញ្ញាណបានធ្វេីសកម្មភាព ជិះម៉ូតូ០២នាក់ ទៅឆក់យកទូរស័ព្ទដៃ ម៉ាក VIVO ពណ៌ ខៀវ ដែលជារបស់ជនរងគ្រោះ ឈ្មោះ រេន សារឿង ភេទស្រី អាយុ ៤៤ ឆ្នាំ មានទីលំនៅភូមិកេីតហេតុខាងលេី ហេីយក៏ព្យាយាមជិះរត់គេចខ្លួន ។
ក្រោយពីកេីតជនរងគ្រោះបានស្រែកអោយអ្នកនៅជិតនោះជួយក៏មានអ្នកជិះម៉ូតូដេញតាម រហូតដល់ចំណុចផ្លូវបំបែកហាយវេ ក៏ជនសង្ស័យខាងលេីជួបគ្រោះថ្នាក់ចរាចរណ៍ ហេីយព្យាយាមរត់គេចខ្លួនចោលម៉ូតូ ទេីបសមត្ថកិច្ចយេីងយកមករក្សាទុកនៅស្នងការដ្ឋាន និង កំពុងធ្វេីការស្រាវជ្រាវរកជនសង្ស័យខាងលេីមកចាត់ការបន្តតាមនីតិវិធី ។
បមច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។
No comments:
Post a Comment