សមត្ថកិច្ចប៉ុស្តិ៍នគរបាលស្ទឹងមានជ័យទី៣បានធ្វើការឃាត់ខ្លួនជនសង្ស័យម្នាក់ក្នុងចំណោមបក្សពួក៤នាក់ បន្ទាប់ពីធ្វើសកម្មភាពគាស់បន្ទប់លួចយកក្រម៉ារបស់លោកមេភូមិ ចំនួន៧០០ក្រម៉ា
ភ្នំពេញៈ ជនសង្ស័យម្នាក់ក្នុងចំណោមបក្សពួក ចំនួន៤នាក់ បន្ទាប់ពីជនសង្ស័យ គាស់បន្ទប់លោកមេភូមិម្នាក់ លួចយកក្រម៉ា ដែលទុកធ្វើជាកាដូរ អនុស្សាវរីយ៍ នៅថ្ងៃការចៅយកទៅលាក់ទុក បានមួយចំអិនកំពឹស ក៍ត្រូវសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ ធ្វើការស្រាវជ្រាវឃាត់ព្រមទាំងយកសំភារៈ វត្ថុតាងបានមកវិញផងដែរ ។
ហេតុការណ៍ឃាត់ខ្លួននេះនេះដែរ បានធ្វើឡេីងនៅវេលាម៉ោង៩និង៤០នាទីព្រឹក ថ្ងៃទី២ ខែធ្នូ ឆ្នាំ២០២២ នៅចំនុចផ្លូវលំ ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ ។
ជនសង្ស័យដែលសមត្ថកិច្ច ឃាត់ខ្លួនបានមានឈ្មោះ ខែ តារ៉ា ភេទប្រុស អាយុ៤០ឆ្នាំ មុខរបរ និងស្នាក់នៅមិនពិតប្រាកដ (មានផ្ទុកសារធាតុញៀន) ។
ដោយឡែកបក្សពួកបីនាក់ទៀត ដែលកំពុងគេចខ្លួន មានឈ្មោះ ទី១ .ឡាង ភេទប្រុស អាយុ២៦ឆ្នាំ ទី២.ឈ្មោះ ធា ភេទប្រុស អាយុ១៧ឆ្នាំ ទី៣.ឈ្មោះ គ័ង ភេទប្រុសអាយុ២៦ឆ្នាំ អ្នកទាំងបី មុខរបរនិងស្នាក់នៅមិនពិតប្រាកដដូចគ្នា ។
សមត្ថកិច្ចបានដកហូតវត្ថុតាំង ក្រម៉ាខ្មែរ ចំនួន៧០០ក្រម៉ា ដែលជារបស់ជនរងគ្រោះផងដែរ ។ ចំនែកជនរងគ្រោះវិញ មានឈ្មោះ សៀង សារុន ភេទប្រុស អាយុ៦២ឆ្នាំ មុខរបរ មេភូមិស្នាក់នៅផ្ទះលេខ ៩៦៨ ផ្លូវបេតុង ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
លោក ឯម ភារី នាយប៉ុស្តិ៍នគរបាលរដ្ឋបាលស្ទឹងមានជ័យទី៣ បានអោយដឹងថា មុននិងឈានទៅដល់ការឃាត់ខ្លួនជនសង្ស័យខាងលើបានកាលពីយប់ថ្ងៃទី២ ខែធ្នូ ឆ្នាំ២០២២ វេលាម៉ោង ២និង១០នាទី ជនរងគ្រោះ បានទិញក្រម៉ា ចំនួន៧០០ក្រម៉ា ដេីម្បីយកមកទុកជាអនុស្សាវរីយ៍ ក្នុងថ្ងៃមង្គលការចៅ ហើយក៍យកក្រម៉ាទៅទុកក្នុង បន្ទប់ផ្ទះខាងក្រោម រួចហើយរូបគាត់បានទៅ សំរាកនៅបន្ទប់ខាងមុខលង់លក់ដូចសព្វដងបាត់ទៅ ។
ប្រភពដដែលបានបន្តទៀតថា លុះដល់ជនរងគ្រោះរលឹកដឹងខ្លួនពីដំណេកវិញ ក៍បានដេីរចូលទៅមេីលក្នុងបន្ទប់ខាងក្រោយ ក៍ស្រាប់តែឃេីញបន្ទប់ត្រូវបានជនសង្ស័យ ធ្វើសកម្មភាពគាស់ទម្លុះទម្លាយ ហើយយកក្រម៉ាទៅបាត់អស់តែម្ដងទៅ ទេីបបានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្ទឹងមានជ័យទី៣ ដេីម្បីអោយសមត្ថកិច្ច ជួយស្រាវជ្រាវរកជនសង្ស័យមកចាត់ការតាមនិតិវិធីច្បាប់ផងដែរ ។
ក្នុងករណីនេះដែរ បន្ទាប់ទទួលបានពាក់បណ្ដឹងពីជនរងគ្រោះរួចហើយ និងមានការចង្អុលបង្ហាញពីលោក វេរៈសេនីយទោ អ៊ុក បូនិន អធិការនគរបាលខណ្ឌមានជ័យ បានបញ្ជ្ជារអោយកម្លាំងសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ ដោយមានការចុះដឹកនាំផ្ទាល់ ដោយលោក ឯម ភារីនាយប៉ុស្តិ៍នគរបាលស្ទឹងមានជ័យទី៣ បានធ្វើការស្រាវជ្រាវតាមជំនាញនិងធ្វើខ្លួនជនសង្ស័យម្នាក់ ឈ្មោះ ខៃ តារ៉ា ហៅស័រ នៅចំនុចផ្លូវបេតុង ភូមិដំណាក់ធំ២ សង្កាត់ស្ទឹងមានជ័យទី៣ យកទៅសាកសួរនៅប៉ុស្តិ៍ផងដែរ ។
ចំពោះការសាកសួរ ជនសង្ស័យបានសារភាពថា រូបគេរូបទាំងបក្ស៣នាក់ទៀត បានធ្វើសកម្មភាព គាស់ ទម្លុះទំលាយ យកក្រម៉ារបស់ជនរងគ្រោះពិតប្រាកដមែន ហើយនៅយកបានហេីយ ជនសង្ស័យបានយកក្រម៉ានោះទៅផ្ញើរនៅ អតតីផ្ទះម៉ែក្មេក ទេីបសមត្ថកិច្ចនាំជនសង្ស័យទៅយកក្រម៉ាដែលជារបស់ជនរងគ្រោះបានទាំងអស់មកវិញ ។
ក្រោយពេលសាកសួររួចហើយ ជនសង្ស័យត្រូវបានសមត្ថកិច្ចក៍សាងសំនុំរឿងបញ្ជូនខ្លួនទៅផ្នែកជំនាញនៃអធិការដ្ឋាននគរបាលខណ្ឌមានជ័យដេីម្បីចាត់ការបន្តតាមនិតិវិធី ចំនែកជនសង្ស័យ៣នាក់ទៀតដែលកំពុងរត់គេចខ្លួន សមត្ថកិច្ចនិងធ្វើការស្រាវជ្រាវដេីម្បីយកមកចាត់ការបន្តតាមនិតិវិធីច្បាប់ផងដែរ ។
No comments:
Post a Comment