ដោយទទួលការចង្អុលណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និងឯកឧត្តម អភិបាល នៃគណៈអភិបាលខេត្តកំពង់ចាម
នៅព្រឹកថ្ងៃសុក្រ ទី២៦ ខែឧសភា ឆ្នាំ២០២៣នេះ លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានដឹកនាំសហការី ចុះសួរសុខទុក្ខ និងត្រួតពិនិត្យអាគារប៉ុស្តិ៍នគរបាលរដ្ឋបាល និងទីតាំងសម្រាប់សាងសង់ប៉ុស្តិ៍ ចំនួនបីកន្លែង នៃអធិការដ្ឋាននគរបាលស្រុកកំពង់សៀម ដែលត្រូវផ្ដួចផ្ដេីមចលនាសាងសង់ជាអាគារថ្មី ឲ្យសមស្របជាអាគារដែលមានលក្ខណៈបច្ចេកទេស និងសមស្របជាអាគារប៉ុស្តិ៍នគរបាលរដ្ឋបាល ដេីម្បីសម្រួលដល់ការបម្រេីការងារប្រចាំថ្ងៃរបស់កងកម្លាំង និងក្នុងការបម្រើសេវាជូនប្រជាលរដ្ឋក្នុងមូលដ្ឋានរបស់ខ្លួន មានដូចជា÷
១-ប៉ុស្តិ៍នគរបាលរដ្ឋបាល អំពិល
២-ប៉ុស្តិ៍នគរបាលរដ្ឋបាល ក្រឡា
៣-ប៉ុស្តិ៍នគរបាលរដ្ឋបាល រអាង
ប៉ុស្តិ៍ទាំងបីនេះ គ្រោងនិងសាងសង់អាគារថ្មី ក្នុងពេលឆាប់ៗខាងមុខនេះ ។
បន្ទាប់មក លោកឧត្តមសេនីយ៍ស្នងការក៏បានបន្តចុះសួរសុខទុក្ខ និងណែនាំលេីការអនុវត្តការងារជំនាញដល់កងកម្លាំងប៉ុស្តុ៍នគរបាលរដ្ឋបាល វិហារធំ ផងដែរ។
ក្នុងឱកាសនោះដែរ លោកឧត្តមសេនីយ៍ស្នងការក៏បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ មានដូចថវិកា និងគ្រឿងឧបភោគបរិភោគមួយចំនួន ឧបត្ថម្ភដល់កងកម្លាំងប៉ុស្តិ៍នគរបាលរដ្ឋបាល និងបានណែនាំឲ្យគ្រប់កងកម្លាំង គោរពនូវវិន័យកងកម្លាំង និងខិតខំយកចិត្តទុកដាក់ខ្ពស់លេីការបម្រេីសេវាជូនប្រជាពលរដ្ឋក្នុងមូលដ្ឋានរបស់ខ្លួន ៕
No comments:
Post a Comment