នគរបាលប៉ុស្តិ៍រដ្ឋបាលទូទាំងខេត្ត ចុះផ្សព្វផ្សាយគោលនយោបាយភូមិឃុំមានសុវត្ថិភាព ធ្វើសៀវភៅគ្រួសារ និង ចែកអត្តសញ្ញាណប័ណ្ណជូនពលរដ្ឋ

បន្ទាយមានជ័យ: ដោយអនុវត្តន៍តាមការណែនាំ និងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ ជារាងរាល់ថ្ងៃ គ្រប់អធិការនគរបាលស្រុក រួមនិងប៉ុស្តិ៍នគរបាលរដ្ឋបាលបានចុះចែកអត្តសញ្ជាណប័ណ ធ្វើសៀវភៅស្នាក់នៅ សៀវភៅគ្រួសារ-ចុះផ្សព្វផ្សាយអំពីច្បាប់ចរាចរណ៍ ផលប៉ះពាល់នៃគ្រឿងញៀន និង គោលនយោបាយភូមិឃុំមានសុវត្ថិភាព ដល់យុវជន ដើម្បីបញ្ជៀបការយល់ដឹង ក្នុងន័យរួមចំណែកកាត់បន្ថយគ្រោះថ្នាក់ចរាចរណ៍ ការញៀនថ្នាំ និងបទល្មើសអសន្តិសុខតាមមូលដ្ឋាន ។

ក្រៅពីការងារស្នូល កម្លាំងនគរបាលគ្រប់ស្រុក-ក្រុង និងបញ្ជាការវរ:ទាំង៤ ចំណុះឲ្យស្នងការដ្ឋាននគរបាលខេត្តបន្ទាយជ័យ ក៏បានត្រៀមកម្លាំងយាមល្បាត ប្រចាំការ២៤ សម្រាប់អន្តរាគមន៍ក្នុងហេតុការបន្ទាន់ផ្សេងៗ។លើសពីនេះកម្លាំងមួយចំនួនក៏បានចេញសម្រួលចរាចរណ៍ ជូនសិស្សសាលាឆ្លងផ្លូវពេលចូលនិងចេញពីរៀនផងដែរ៕