ផ្លូវថ្នល់នៅក្នុងស្រុកខ្សាច់កណ្តាល ត្រូវបានរងការខូចខាត ដោយសារតែឡានដឹករបស់ឈ្មួញ លក់អាចម៌ដី ឈ្មោះហុង វ៉ាន់ឌី សង្ស័យអាជ្ញាធរជំនាញពាក់ព័ន្ធ ស្រុកខ្សាច់កណ្តាលជាអ្នកបើកដៃ(វគ្គ១)

កណ្តាល៖ឡានដឹកអាចម៌ដីរាប់សិបគ្រឿង របស់ឈ្មួញដ៌មានឥទ្ធពលម្នាក់ឈ្មោះហុង វ៉ាន់ឌី បាននិងកំពុងតែធ្វើសកម្មភាពជីកដីបឹងក្រចាប់ ស្ថិតនៅក្នុងឃុំស្វាយពោធ៌ ស្រុកស្រីសន្ធរ ខេត្តកំពង់ចាម ដោយដឹកយកទៅលក់ក្នុងភូមិសាស្ត្រស្រុកខ្សាច់កណ្តាល ខេត្តកណ្តាល បណ្តាលអោយខូចខាតផ្លូវមួយចំនួនយ៉ាងដំណំ ក្នុងនោះត្រូវបានគេសង្ស័យថា?អាជ្ញាធរជំនាញពាក់ព័ន្ធស្រុកខ្សាច់កណ្តាល ជាអ្នកបើកដៃអោយឈ្មួញដឹកអាចម៌ដីយ៉ាងអនាធិបតេយ្យ។

ប្រភពបានបញ្ជាក់ថា?សកម្មភាពឈ្មួញដឹកអាចម៌ដីខាងលើនេះ បានធ្វើសកម្មភាពជាយូរខែណាស់មកហើយ គេមិនដែលសង្កេតឃើញអាជ្ញាធរជំនាញពាក់ព័ន្ធស្រុកខ្សាច់កណ្តាល ចាត់វិធានការផ្លូវច្បាប់ទៅលើសកម្មភាពឡានដឹកអាចម៌ដីខាងលើនេះនោះទេ?ទំនងអាជ្ញាធរជំនាញពាក់ព័ន្ធ ត្រូវថ្នាំសណ្តំរបស់មេឈ្មួញឈ្មោះហុង វ៉ាន់ឌី បាត់អស់ទៅហើយ ។មេឈ្មួញឈ្មោះហុង វ៉ាន់ឌី បានប្រាប់មកអង្គភាពសារពត៍មានតាមទូរស័ព្ទថា?ករណីផ្លូវខូចនៅក្នុងទឹកដីស្រុកខ្សាច់កណ្តាល មិនមែនខូចដោយសារតែឡានរបស់គាត់នោះទេ?គឺមានក្រុមឡានអ្នកផ្សេងទៀតផងដែរៗធ្វើសកម្មភាពដឹកអាចម៌ដីបណ្តាលអោយខូចផ្លូវយ៉ាងដំណំនៅក្នុងភូមិសាស្ត្រស្រុកខ្សាច់កណ្តាល។

ពាក់ព័ន្ធនិងករណីឡានដឹកអាចម៌ដីរបស់មេឈ្មួញហុង វ៉ាន់ឌី ដឹកបំផ្លាញផ្លូវ នៅក្នុងទឹកដីស្រុកខ្សាច់កណ្តាល ឯកឧត្តមគង់សោភ័ណ្ឌអភិបាលខេត្តកណ្តាលបានប្រាប់មកអង្គភាពសារពត៍មានតាមទូរស័ព្ទថា?ឯកឧត្តមនិងអោយលោកប៊ុនផេង ចៅហ្វាយស្រុកខ្សាច់កណ្តាលចុះទៅត្រួតពិនិត្យនិងចាត់វិធានការតាមផ្លូវច្បាប់។