លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល អញ្ជើញជាអធិបតីភាពក្នុងកម្មវិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិជូនមន្ត្រីអធិការដ្ឋាននគរបាលស្រុកខ្សាច់កណ្ដាល និងស្រុកមុខកំពូល នៅសាលាស្រុកខ្សាច់កណ្ដាល

(កណ្តាល )ថ្ងៃចន្ទ ១៣ កើត ខែអាសាឍ ឆ្នាំខាល ចត្វាសក័ ព.ស.២៥៦៦ នៅរសៀលថ្ងៃទី១១ ខែកក្កដា ឆ្នាំ២០២២ ដោយទទួលបានការអនុញ្ញាតដ៏ខ្ពង់ខ្ពស់ ពីឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្អគ្គស្នងការនគរបាលជាតិ!!!

លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល អញ្ជើញជាអធិបតីភាពក្នុងកម្មវិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិជូនមន្ត្រីអធិការដ្ឋាននគរបាលស្រុកខ្សាច់កណ្ដាល និងស្រុកមុខកំពូល នៅសាលាស្រុកខ្សាច់កណ្ដាល រួមមាន៖

ក.តែងតាំងមុខតំណែង

- នាយប៉ុស្តិ៍ ចំនួន១០នាក់ នាយរងប៉ុស្តិ៍ ចំនួន១៧នាក់ នាយផ្នែក ចំនួន០៨នាក់ និងនាយរងផ្នែក ចំនួន១៣នាក់។

ខ.បំពាក់ឋានន្ដរសក្ដិ

-អនុសេនីយ៍ឯក ចំនួន៣៧នាក់

-អនុសេនីយ៍ទោ ចំនួន១៧នាក់ -អនុសេនីយ៍ត្រី ចំនួន០៣នាក់

-ព្រិន្ទបាលឯក ចំនួន០៦នាក់សរុបរួម : ១១១នាក់។

ក្នុងពិធីនេះ លោកឧត្តមសេនីយ៍ទោស្នងការ មានប្រសាសន៍ផ្តាំផ្ញើដល់កងកម្លាំងនគរបាលជ័យលាភីទាំងអស់ ត្រូវយកចិត្តទុកដាក់ដូចខាងក្រោមៈ

-ខិតខំប្រឹងប្រែងបន្តសកម្មភាពបម្រើប្រជាពលរដ្ឋនៅក្នុងមូលដ្ឋានឲ្យបានល្អប្រសើរនិងការពារសន្តិសុខជូនប្រជាពលរដ្ឋ

-ធានាឲ្យបានក្នុងការផ្តល់សេវាសាធារណៈជូនប្រជាពលរដ្ឋឲ្យបានឆាប់រហ័ស ដោយឥតលក្ខខណ្ឌ

-ត្រូវបន្តយកចិត្តទុកដាក់អនុវត្តនូវគោលនយោបាយភូមិ-ឃុំ សង្កាត់ មានសុវត្ថិភាព គ្មានអំពើលួច ឆក់ គ្មានការប្រើប្រាស់ជួញដូរគ្រឿងញៀន គ្មានក្មេងទំនើង សំដៅយ៉ាងណាធ្វើឲ្យភូមិ-ឃុំ សង្កាត់ មានសុវត្ថិភាព

-រៀបចំកម្លាំងប្រចាំការនៅតាមអង្គភាព២៤/២៤ម៉ោង សម្រាប់ចេញអន្តរាគមន៍បានទាន់ពេលវេលា និងធ្វើការចេញល្បាតក្នុងភូមិសាស្ត្ររបស់ខ្លួនដើម្បីធានាបាននូវសន្តិសុខ សណ្តាប់ធ្នាប់ល្អនៅក្នុងមូលដ្ឋាន។