លោក លឹម សៀងហេង អភិបាលក្រុងបាវិតបានរៀបចំកិច្ចប្រជុំសាមញ្ញលើកទី ៤២ របស់ក្រុមប្រឹក្សាក្រុងបាវិត អាណត្តិទី៣ ដោយមានកូរ៉ុម១៤ រូប លើ១៥ រូបក្រោមអធិបតីភាពលោក ណេប សារ៉ុន ប្រធានក្រុមប្រឹក្សាក្រុងបាវិត

(ក្រុងបាវិត)នៅព្រឹកថ្ងៃទី១៨ ខែវិច្ឆិកា ឆ្នាំ២០២២ រដ្ឋបាលក្រុងបាវិតបានរៀបចំកិច្ចប្រជុំសាមញ្ញលើកទី ៤២ របស់ក្រុមប្រឹក្សាក្រុងបាវិត អាណត្តិទី៣ ដោយមានកូរ៉ុម១៤ រូប លើ១៥ រូប។

កិច្ចប្រជុំនេះក្រោមអធិបតីភាពលោក ណេប សារ៉ុន ប្រធានក្រុមប្រឹក្សាក្រុងបាវិត និងបានអញ្ជើញចូលរួមពីលោក លឹម សៀងហេង អភិបាលក្រុងបាវិត និងលោក លោកស្រីអភិបាលរងក្រុង រួមជាមួយលោកប្រធានការិយាល័យចំណុះរដ្ឋបាលក្រុង លោកប្រធានការិយាល័យប្រជាពលរដ្ឋ និងតំណាងការិយាល័យសុខាភិបាលស្រុកប្រតិបត្តិជីភូ។

របៀបវារៈនៃកិច្ចប្រជុំ÷

ពិនិត្យ ពិភាក្សា និងអនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៤១ របស់ក្រុមប្រឹក្សាក្រុងបាវិត។

ពិនិត្យ ពិភាក្សា និងអនុម័តលើសេចក្តីព្រាងរបាយការណ៍ប្រចាំខែវិច្ឆិកា ឆ្នាំ២០២២ របស់រដ្ឋបាលក្រុងបាវិត។

ដាប់របាយការណ៍ប្រចាំខែវិច្ឆិកាឆ្នាំ២០២២  របស់គណៈកម្មាធិការពិគ្រោះយោបល់កិច្ចការស្ត្រីនិងកុមារក្រុងបាវិត។

ពិនិត្យ ពិភាក្សានិងអនុម័តការបែងចែកប្រាក់រង្វាន់លើកទឹកចិត្តមន្ត្រីសាលាក្រុងបាវិតប្រចាំខែតុលា ឆ្នាំ២០២២។

បញ្ហាផ្សេងៗនិងបិទអង្គប្រជុំ។