រដ្ឋបាលក្រុងបាវិត បានរៀបចំការប្រជុំពិភាក្សាជាមួយក្រុមការងារទីស្ដីការគណៈរដ្ឋមន្ត្រីរាជបណ្ឌិត្យសភាកម្ពុជា ដើម្បីសិក្សាលើគម្រោងស្រាវជ្រាវស្ដីពី តម្រូវការស្បៀងអាហារសម្រាប់ទ្រទ្រង់ភ្ញៀវទេសចរណ៍ចិននៅកម្ពុជា

នារសៀលថ្ងៃទី១៧ ខែមករា ឆ្នាំ២០២៣ រដ្ឋបាលក្រុងបាវិត បានរៀបចំការប្រជុំពិភាក្សាជាមួយក្រុមការងារទីស្ដីការគណៈរដ្ឋមន្ត្រីរាជបណ្ឌិត្យសភាកម្ពុជា ដើម្បីសិក្សាលើគម្រោងស្រាវជ្រាវស្ដីពី តម្រូវការស្បៀងអាហារសម្រាប់ទ្រទ្រង់ភ្ញៀវទេសចរណ៍ចិននៅកម្ពុជា។ កិច្ចប្រជុំនេះក្រោមអធិបតីភាព លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងលោក លឹម សៀងហេង អភិបាលក្រុងបាវិត សមាសភាពអញ្ជើញចូលរួមមាន ឯកឧត្តមបណ្ឌិត ខែក វីរៈនាយកខុទ្ទកាល័យ  និងសហការី លោកអភិបាលរងក្រុង លោកនាយករងរដ្ឋបាលក្រុង លោកប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ក្រុង  លោកចៅសង្កាត់ទាំង៥ ក្នុងក្រុងបាវិត ។