នៅព្រឹកថ្ងៃសៅរ៍ ទី២៥ ខែមិថុនា ឆ្នាំ២០២៣នេះ គណៈកម្មាធិការសមាគមអតីតយុទ្ធជនខេត្តកំពង់ចាម បានរៀបចំការប្រារព្ធពិធីអបអរសាទរ ខួបលេីកទី១៦ ទិវាអតីតយុទ្ធជនកម្ពុជា និងពិធីបំពាក់គ្រឿងឥស្សរិយយសការពារជាតិ ជូនបងប្អូនអតីតយុទ្ធជនកម្ពុជា ស្រុកចំការលើ ចំនួន២៤៦នាក់ និងស្រុកស្ទឹងត្រង់ ចំនួន២៩០នាក់ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា ។
ពិធីនេះដែរ មានការអញ្ជេីញចូលរួមពី ឯកឧត្តម ប្រតិភូអមដំណើរ ឯកឧត្តម គន់ សុភា អភិបាលរងខេត្ត និងជាតំណាង ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានកិត្តិយសគណៈកម្មាធិការសមាគមអតីតយុទ្ធជនខេត្តកំពង់ចាម លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្ត និងជាប្រធានគណៈកម្មាធិការសមាគមអតីតយុទ្ធជនខេត្តកំពង់ចាម លោកអនុប្រធាន គណៈកម្មាធិការសមាគមអតីតយុទ្ធជនខេត្តកំពង់ចាម លោកប្រធានកិត្តិយសគណៈកម្មាធិការសមាគមអតីតយុទ្ធជនស្រុកចំការលេី-ស្ទឹងត្រង់ លោកប្រធានលេខាធិការដ្ឋានខេត្ត លោកឧត្តមសេនីយ៍ស្នងការរង លោកប្រធាន-អនុប្រធាន សមាគមអតីតយុទ្ធជនស្រុក លោកប្រធានកិត្តិយសសាខាស្រុក និងសមាជិកសមាជិកាពាក់ព័ន្ធជុំវិញស្រុកចំការលេី-ស្ទឹងត្រង់ ។
ក្នុងឱកាសដ៏វិសេសវិសាលនេះ ឯកឧត្តម កិត្តិសង្គហបណ្ឌិត ទេសរដ្ឋមន្រ្តី ក៏បាននាំយកអំណោយដ៏ថ្លៃថ្លារបស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ឧបត្ថម្ភដល់បងប្អូនអតីតយុទ្ធជនដែលបានអញ្ជេីញចូលរួមចំនួន៥៣៦នាក់ ក្នុងម្នាក់ៗ ទទួលបានថវិកា ចំនួន១០មុឺនរៀល ផងដែរ។
No comments:
Post a Comment