ល្បែងស៊ីសងជល់មាន់តាមអនទ្បាញមួយកន្លែងតាមផ្លូវលេខ៩ សង្កាត់អូរស្មាច់ សង្ស័យជាឆ្នាំងបាយរបស់អស់លោកអាជ្ញាធរ និងសមត្ថកិច្ច ក្រុងសំរោង

ល្បែងស៊ីសងជល់មាន់តាមអនទ្បាញមួយកន្លែងតាមផ្លូវលេខ៩ សង្កាត់អូរស្មាច់ សង្ស័យជាឆ្នាំងបាយរបស់អស់លោកអាជ្ញាធរ និងសមត្ថកិច្ច ក្រុងសំរោង

ខេត្តឧត្តរមានជ័យ៖ល្បែងស៊ីសងជល់មាន់តាមអនទ្បាញមួយកន្លែងនៅផ្លូវលេខ៩ សង្កាត់អូរស្មាច់ ក្រុងសំរោង ខេត្តឧត្តរមានជ័យ កំពុងបើកលេងយ៉ាងអនាធិបតេយ្យ ជាទីបំផុតដោយក្រុមអ្នកញៀនល្បែង ហាក់គ្មានញញើតនិងទោសទណ្ឌបន្តិចណាទាល់តែសោះ(ពោល)អាជ្ញាធរនិងសមត្ថកិច្ចក្រុងសំរោង ហាក់បីដូចជារក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសងនៅទូទាំងរាជធានីខេត្ត។

សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗ​នេះ​ សម្ដេចតេជោ ហ៊ុន សែន នាយករដ្ឋមន្ត្រី​ នៃកម្ពុជា​ បានចេញ​បទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន​ សម្តេច​តេជោ​ ហ៊ុន​ សែន បានបញ្ជាក់យ៉ាងច្បាស់ថា អាជ្ញាធរ​ស្រុក ក្រុង ខេត្តណា ដែលមិនទប់​ស្កាត់និងមិនបង្ក្រាប បទល្មើសល្បែងស៊ីសង នៅ​ក្នុងមូលដ្ឋានរបស់ខ្លួនទេ​ ! អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។

មហាជន នៅក្នុងក្រុងសំរោង បានអោយដឹងថា?ក្រុមអ្នកញៀនល្បែង តែងតែផ្គុំក្បាលគ្នា ចូលទៅលេងល្បែងស៊ីសងជល់មាន់តាមអនទ្បាញ នៅចំណុចខាងលើនេះដោយគ្មានញញើតពីទោសទណ្ឌបន្តិចណាទាល់តែសោះ?ក្នុងនោះអាជ្ញាធរ និងសមត្ថកិច្ចក្រុងសំរោង ហាក់នាំគ្នារក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោហ៊ុនសែន ។ដោយមហាជនបានដាក់ការសង្ស័យថា៖ទីតាំងល្បែងស៊ីសងជល់មាន់តាមអនទ្បាញ ខាងលើនេះនអាចជាឆ្នាំងបាយ របស់អស់លោកអាជ្ញាធរ និងសមត្ថកិច្ចស្រុកក្រុងសំរោង ក៌មិនដឹង?។

ពាក់ព័ន្ធនិងជុំវិញករណីល្បែងស៊ីសងជល់មាន់តាម ខាងលើនេះ មហាជន បានសំណូមពរ ដល់លោក ប៉ែន កុសល្យ ចៅហ្វាយខេត្តឧត្តរមានជ័យ ជាពិសេស លោកហួត សុធី ចៅស្នងការខេត្តឧត្តរមានជ័យ  សូមមេត្តាជួយត្រួតពិនិត្យ និងចាត់វិធានការបង្រ្កាប ទីតាំងល្បែងស៊ីសងជល់មាន់តាមអនទ្បាញ ខាងលើនេះផង ដើម្បីអនុវត្តន៌ តាមបទបញ្ជាដ៍ខ្ពង់ខ្ពស់របស់ សម្តេចតេជោ ហ៊ុនសែន ស្តីពីការបង្ក្រាបបទល្មើសល្បែងស៊ីសងខុសគ្រប់ប្រភេទ នៅទូទាំងរាជធានីខេត្ត។