លោកឧត្តមសេនីយ៍ស្នងការ និងជាប្រធានគណៈកម្មាធិការ ស.អ.ក ខេត្ត អញ្ជើញដឹកនាំកិច្ចប្រជុំផ្សព្វផ្សាយ និងពង្រឹងលេីការងារលេខាធិការដ្ឋាន ស.អ.ក ខេត្តកំពង់ចាម
ព្រឹកថ្ងៃទី០៨ ខែកុម្ភៈ ឆ្នាំ២០២៣ លោកឧត្ដមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម និងជាប្រធានគណៈកម្មាធិការ ស.អ.ក ខេត្តកំពង់ចាម បានដឹកនាំកិច្ចប្រជុំផ្សព្វផ្សាយ ពង្រឹង និងណែនាំការងារចាំបាច់មួយចំនួនលេីការងារលេខាធិការដ្ឋាន ស.អ.ក ខេត្តកំពង់ចាម ។
១-ផ្សព្វផ្សាយសេចក្ដីសម្រេចលេខ០១៧/២០២៣ ស.អ.ក ស្ដីពីកែសម្រួលសមាសភាពគណៈកម្មាធិការ ស.អ.ក ខេត្តកំពង់ចាម របស់គណៈកម្មាធិការកណ្ដាល
២-ត្រួតពិនិត្យលេីការងារលេខាធិការដ្ឋាន ដែលបានអនុវត្តកន្លងមក
៣-ពង្រឹងការធ្វេីបច្ចុប្បន្នភាព លេីឯកសារពាក់ព័ន្ធមួយចំនួន និងការធ្វេីបច្ចុប្បន្នភាពសមាិក ស.អ.ក ឡេីងវិញ
៤-ចាត់តាំងអនុវត្ត លេីតួនាទីភារកិច្ចតាមសេចក្ដីសម្រេចរបស់គណៈកម្មាធិការកណ្ដាល
៥-ណែនាំ និងត្រៀមរបាយការណ៍បូកសរុបលទ្ធផលរយៈពេល៥ឆ្នាំ និងឆ្នាំពាក់ព័ន្ធ ដេីម្បីចូលរួមក្នុងកិច្ចប្រជុំត្រួតពិនិត្យបេឡាមរណៈសង្រ្គោះ របស់ក្រុមការងារ ស.អ.ក ថ្នាក់កណ្ដាល នៅថ្ងៃទី២១ ខែកុម្ភៈ ឆ្នាំ២០២៣ ខាងមុខនេះ ។
កិច្ចប្រជុំនេះដែរ ក៏មានការអញ្ចេីញចូលរួមពី លោក-លោកស្រី ប្រធាន-អនុប្រធាន និងសមាជិកក្រុមការងារលេខាធិការដ្ឋាន ស.អ.ក ខេត្តកំពង់ចាម ផងដែរ ៕
No comments:
Post a Comment