អបអរសាទរ ពីធីសង្រ្កាន្តឆ្នាំថ្មីប្រពៃណីជាតិខ្មែរ ប្រារព្ធនៅស្នងការដ្ឋាននគរបាលខេត្តកំពង់ចាម

នៅថ្ងៃព្រហស្បតិ៍ ទី១១ ខែមេសា ឆ្នាំ២០២៤ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងភរិយា បានដឹកនាំកងកម្លាំង នៃស្នងការដ្ឋាននគរបាលខេត្តកំពង់ចាម រៀបចំពិធីអបអរសាទរ សង្រ្កាន្តឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី១៣ ខែមេសា ឆ្នាំ២០២៤ ខាងមុខនេះ និងបានរៀបចំអាហារសាមគ្គី លេងល្បែងប្រជាប្រិយ ប្រារព្ធនៅស្នងការដ្ឋាននគរបាលខេត្តកំពង់ចាម ។

ក្នុងឱកាសដ៏វិសេសវិសាលនេះ ក៏មានវត្តមានដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម ឯកឧត្តម ឧកញ៉ា លោកជំទាវ ថ្នាក់ដឹកនាំមន្ទីរអង្គភាព ជុំវិញខេត្ត និងភ្ញៀវកិត្តិយស ព្រមទាំងកងកម្លាំងនគរបាលជាតិ នៃស្នងការដ្ឋាននគរបាលខេត្តកំពង់ចាម អញ្ជើញចូលរួមពិសារអាហារ សាមគ្គី លេងល្បែងប្រជាប្រិយ និងរាំលេងកំសាន្ដ ប្រកបដោយភាពស្និតស្នាល រីករាយ ផងដែរ ។